Ingurumen Sailak Fiskaltzari helarazi dio bigarren espedientea Verter Recyclig-i, enpresaren jardueretan delituzko gairik balego azter dezan

0

Ingurumen, Lurralde Politika eta Etxebizitzako sailburu Iñaki Arriolak Fiskaltzari jakinarazi dio gaur Verter Recycling 2002 SL enpresaren aurka hasitako bigarren espediente zigortzailearen edukia, Zaldibarko zabortegian otsailaren 6an izandako lerradura larriaren ondoren, bertan jasotako gertakariren bat delitu izan ote daitekeen jakiteko

Bigarren espediente horren hasiera gaur bertan sinatu du Ingurumen sailburuak, eta ez du zerikusirik aurreko udan Zaldibarko zabortegiari egindako ikuskapenetan atzemandako ustezko arau-hausteengatik Sailak duela egun batzuk irekitako beste espedientearekin. Zehazki, Kutsaduraren Prebentzio eta Kontrol Integratuari buruzko Legearen 31.2b artikuluaren ustezko «arau-hauste oso astuna» egitea aipatzen du.

Arau-hauste «larri» horrek zerikusia du Ingurumen Sailak eskatuta bi langile lurperatu zituen zabortegiko luiziaren ondoren enpresak bidali duen dokumentazioaren hainbat alderdik, eta ingurumenean eta azpiegitura publikoetan kalte larriak eragin ditu. Emandako informazioan ikusi denez, «Zuzenean eta zeharka, 2020ko otsailaren 6an gertatu den zabortegiko lerraduraren gertakaria garaiz detektatzeko ekoizpenean edo eragozpenean eragina izan dezaketen jarduketak».

Zehazki, Ingurumen sailburuordeak otsailaren 10ean egindako errekerimenduari erantzuteko, jabetzak aurkeztutako idazkian adierazten da zabortegian ikertzen ari ziren anomaliak aurkitu zirela. Zehatzago esanda,  otsailaren 4an arrakalak agertu zirela eta geroztik, enpresak eta langile espezializatuek lanean jardun zutela 4., 5. eta 6. egunetan, zabortegiaren jarduerak jarraitzen zuen bitartean. Hori guztia Administrazioari jakinarazi gabe, ingurumen-baimen integratuak ezartzen duen bezala.

Ondorioz, eta 1998ko Herri Administrazioen Zigortzeko Ahalmenari buruzko Euskal Legeak ezartzen duena kontuan hartuta, Arriola sailburuak ebatzi du «Fiskaltzari jakinaraztea» Verter Recycling 2002 SLren aurka abiarazitako bigarren espediente horretan egindako jarduketa oro, bertan jasotako egitateetako batzuk delitu izan zitezkeela iritzita. Zehatzago, «Baliabide naturalen eta ingurumenaren aurkako delituez», eta, sailaren eskumeneko gaia ez bada ere, «Langileen eskubideen aurkako» delituez.

Ingurumen sailburuaren erabakia Verter Recycling 2002 SL enpresari jakinarazi zaio, eta Zaldibar, Ermua, Eibar eta Elgetako udalei, URA-Uraren Euskal Agentziari eta Eusko Jaurlaritzako Osasun, Segurtasun eta Lan sailei ere jakinarazi zaie.