Atzo gauean 36 urteko gizonezko bat atxilotu zuten Artxandan, futbol-zelaiko instalazioetan sartu eta lapurreta egiten saiatu ondoren. Arrastatuari egun horretan bertan instalazioetatik hurbil dagoen egoitza batean lapurreta egitea ere leporatu diote.
Atzo gaueko bederatziak baino lehentxeago, Ertzaintzak jakin zuen ustez lapurreta egin zutela Artxandako futbol-zelaiko instalazioetan, Sondikako udal-barrutian. Bertara hurbildu ziren agenteei segurtasun-jagole batek esan zien susmagarri bat ikusi zuela zelaira sartzeko hesiaren gainetik jauzi egiten.
Inguruak miatu ondoren, agenteek horma baten atzean ezkutatuta aurkitu zuten gizonezkoa. Bestalde, aldageletara sartzeko atean eta makina-gelan kalteak egin zituela ere egiaztatu zuten, eta horren guztiaren aurrean ondarearen aurkako lapurreta-delitua leporatuta atxilotu zuten.
Atxilotuaren deskribapena bat zetorren arratsalde horretan bertan futbol-zelaitik metro gutxi batzuetara dagoen Artxandako egoitza batean lapurreta egiten zuen pertsonaren deskribapenarekin. Kasu horretan egoitzara sartu eta higiene-produktuak lapurtu zituen. Gizonezkoa langile batek ikusi zuen, eta lapurtutako objektuak poltsa batean hartuta ihes egin zuen.
