Ertzainek 61 urteko gizon bat atxilotu zuten atzo, osteguna, arratsaldean Bilbon, drogarekin trafikatzea leporatuta. Agenteek ikusi zuten establezimendua irekita zegoela eta barruan bezeroak kontsumitzen ari zirela, etxeratze-agindua urratuz.
Ibarrekolanda auzoan patruilatzen ari ziren ertzainek atzo, osteguna, arratsaldeko seiak eta laurden aldera, ikusi zuten establezimendu bateko pertsianak irekita zeudela eta barruan jendea kontsumitzen ari zela. Lokalak gaindituta zuen osasun-arauak direla-eta 18:00etan ixteko ordua, eta arduraduna identifikatu zuten. Une horretan ertzainek hauts zuri bat, ustez substantzia sorgorgarri bat, lurrera botatzen ikusi zituzten hainbat bezero. Drogekin trafikatzen ari zitezkeela susmatuta, agenteek taberna miatzea erabaki zuten, eta 19 kokaina-dosi, haxix-zati bat, billetetan bi mila euro baino gehiago eta kontrabandoko tabakoa aurkitu zituzten sukaldeko mostradorean.
Ebidentzia horien aurrean, establezimenduaren jabea, 61 urteko gizona, arrastatu zuten droga-trafikoaren delitua leporatuta. Horrez gainera, osasun-araua ez betetzeagatik zehatu zuten.
Atxilotua polizia-egoitzara eraman zuten, eta agintari judizialaren eskuetan jarri zain dago.
