Formatu desberdinetako 9 proposamen programatu dira: hitzaldiak, minitzaldiak edo solasaldiak. Horrela, bost hitzaldi emango dira formatu klasikoan. Bostak artearen inguruko gaiekin. Horietatik hiruk Guggenheim Museoan ikusgai dauden erakusketak aurkeztu eta testuinguruan kokatzen dituzte (ondorengo bisitan prestatu eta gonbidatzen dituzte). Beste batek Eduardo Chillidaren irudia du ardatz, eta Chillida Lekurako irteera kulturalaren aurretik doa. Bosgarren hitzaldia euskal eskultura erakusketarekin lotuta dago. Aurrez aurreko modalitateaz gain, hitzaldi horiek streaming bidez jarraitu ahal izango dira, edo, ondoren, Barakaldoko Udalaren Youtube kontuan ikusi ahal izango dira.
Solasaldi formatuan 2 proposamen eskaintzen dira. Horietako batean, aipatutako erakusketari lotutako hiru eskultorerekin hitz egingo da. Beste solasaldian, Nutrizioaren Egunaren inguruan, FESNADek aurten hautatutako gaiarekin lotutako edukiak aurkeztuko dira. Modalitate hurbilago eta interaktiboago batean, eta bi proposamen zabalagoren barruan, hitzaldi-erakustaldi bat eskaintzen da Bonsai Bizkaia udaberriko erakusketaren barruan, eta osasun intimoari buruzko hitzaldi bat, Emakumeen Osasunaren aldeko Ekintza Egunaren inguruan. Hitzaldi horiez gain, liburu aurkezpenak edo egileekin topaketak egingo dira, 2022ko Barakaldo Hitza Literatur Jardunaldietatik.
IRTEERA KULTURALAK
Irteera kulturalak berreskuratzen dira, distantziagatik autobusez bidaiatzea eskatzen duten eta gutxienez egun erdia hartzen duten espazio kulturaletara bisitak, Chillida Lekura bisita eginez. Ekainaren 16an egingo da, 9:30-14:30 bitartean. Irakurketa Klubak hilero egingo dituen hiru saioetan, Josu Montero literatur koordinatzailearen eskutik, hautatutako hiru liburuen inguruan eztabaidatuko da. Apirileko saioa 2022ko Barakaldo Hitza Literatur Jardunaldien egitarauaren barruan egongo da.
ARTE TOPAKETEK
Arte topaketek aukera egokia dira artearekin, lan artistikoarekin eta abarrekin zerikusia duten era guztietako gaiei buruz hausnartzeko eta hitz egiteko eta bertako artisten lana ezagutzeko. Javier Santurtun artista barakaldarrak zuzentzen eta moderatzen ditu. Saioak irekiak dira -saio bakoitzean izena eman besterik ez da-, hilean behin egiten dira eta artearen munduko gonbidatu bat dute. Adin askotako artistak, diziplina artistikoak, etab. Hiruhileko honetan bi topaketa egingo dira eta, Bigarrena¿k euskal eskulturaren berri emango du eta bi eskultore izango dituzte gonbidatu (horietako bat barakaldarra). Gainera, maiatzean Fito Cuevas eskultorearen lana sakonago ezagutzeko aukera izango da. Ekainean, Rafa Cantera ezagutuko dugu. Baina, tailerrik ez duenez, hark iruzkindutako bisita bat eskainiko da haren Memoria erakusketara (une horretan CIHMAn dago ikusgai).
Emakumeen Osasunaren aldeko Nazioarteko Ekintza Eguna dela-eta (maiatzak 28), jardunaldi bat programatu da, astelehenean, hilak 30, Osakidetzarekin lankidetzan (Osasun Komunitarioa Sustatzeko Programa, Barakaldo-Sestao ESI). Emakumeen osasun intimoa izenburupean, Barakaldo-Sestao ESIko emagin taldeak hitzaldi bat eskainiko du, emakumearen ongizaterako osasun intimo ona mantentzeak duen garrantziari buruz eta aldi bakoitzean sor daitezkeen aldaketei edo arazoei aurre egiteko moduari buruz. Etenaldian, kafe baten inguruan hitz egin ahal izango da. Eta amaitzeko, sintomen edo arazoen prebentzioan edo tratamenduan laguntzen duten hainbat ekintza eta produktu aipatuko dira.
NOLA EMAN IZENA JARDUERETAN
Kultura Hedatzeko Programaren jardueretan parte hartzeko, beharrezkoa da aldez aurretik izena ematea horretarako prestatutako kanalen bidez:
- Aurrez aurrekoa edo telefono bidezkoa: kultur etxe eta gizarte-etxe guztietan
- Posta elektronikoz: ccclaracampoamorprogramas@barakaldo.eus (ekintza, izen-abizena, NAN eta telefono zenbakia adierazita)
- On line: udalaren egoitza elektronikoan (BakQrekin). Plazak izena emateko hurrenkeraren arabera esleitzen dira
