Vietnam Asia Ekialdeko eskualdeko herrialde dinamikoenetako bat da. Gaur egun, Asiako hazkunde ekonomikoaren buru da, 2022an % 7,5eko hazkunde-aurreikuspenarekin eta inflazio-maila baxuekin.
Gainera, Vietnam oso herrialde irekia da ondasunen eta zerbitzuen kanpo-merkataritzaren ikuspegitik, eta merkataritza askeko akordio bat du EBrekin, esportazioak aukera erakargarri bihurtzen dituena.
Vietnamek kontsumitzen duen makina-erremintaren % 70 inguru inportatzen duela kalkulatzen da. Tokiko manufaktura-industria oraindik sortzen ari bada ere, datozen urteetan gora egitea eta makina-erremintaren eskaria handitzea espero da automobilgintzan, aeronautikan eta energian, besteak beste. Gaur egun bolumenak txikiak diren arren, makina-erremintako euskal enpresa batzuk hasiak dira Vietnamera esportatzen, eta, beraz, interesgarria izan liteke sektoreko enpresa guztientzat merkatuan kokatzen hastea etapa goiztiar batetik, agente edo banatzaile baten bitartez. Aukera-segmentu nagusiak fresatzeko makinak, forjatzeko eta estanpatzeko makinak, laserraren bidez ebakitzeko makinak akabera-eragiketetarako makinak eta mekanizazio-zentroak dira.
Txosten osoa eskatzen duten euskal enpresen eskura dago. Bertara sartzeko, helbide elektroniko honetara jo behar da: ilopez@basquetrade.eus
(bezero-sektoreen, esportatzaileen, inportatzaileen eta makina-erremintaren banatzaileen xehetasunak barne)
Laburpen exekutiboa HEMEN deskarga daiteke.
