Erriberriko 24. Antzerki Jaialdia igande honetan, abuztuak 6, amaitu da. Jaialdiaren arduradunek balantze «oso positiboa» egin dute, publikoaren harrera bikainak markatutako edizio bat garatu baitute, eta, Jaialdiaren antolakuntzatik azaldu dutenez, «arrakastatsuak izan dira La Cavaren barruan eta kanpoan programatutako proposamen guztiak».
Totalean, jaialdiko eremu guztietara 4.844 pertsona bertaratu dira; haien artean berri batzuk erantsi dira, adibidez, San Martin Unx, Errege Jauregiko sarrerako patioa eta Erriberriko Gurpilaren plaza edota Beireko Udaletxeko plaza, zeinen aurretik zeuden La Cava, Erriberriko Jauregia, Enzentrum, Teobaldoen Plaza, Karlos III Noblearen Plaza, Erriberriko Kultur Etxea, Frantziskotarren Antzinako Eskolak, Tafalla Kulturgunea Kultur Zentroa eta Beireko Ezpeleta Jauregia.
La Cavan aforoa osatu da honako funtziotan: “El mar. Visión de unos niños que no lo han visto nunca”, Teatre Nacional de Catalunya-ren eta Xavier Bobésen ekoizpen bat; Zentro Dramatiko Nazionalaren “Man Up”; Producciones Maestras Nafarroako konpainiaren “La Malpagá”; Pentación Espectáculos y Secuencia 3. Konpainiaren “Las guerras de nuestros antepasados” ekoizpena. Ia beterik egon da Alessandra García-ren “Mujer en cinta de correr sobre fondo negro”; Iluna Producciones-en “Perséfone” eta Pont Flotant y Rambleta konpainiaren “Eclipse Total” emanaldietan.
La Cavatik kanpo, agortu egin dira eserlekuak Errege Jauregian ospatu Lore More-ren “Trapu zikinak” emanaldirako eserlekuak; eta Erriberri, San Martin Unx hala nola Beireko Estefanía de Paz Asínen “Olvido Flores. Las maravillas de Júpiter” lanean; Tanttaka Teatroa-ren Tafallako Kulturgunea Kultur Zentroko “Sexpiertos” lanaren emanaldian; eta Col·lectiu Desasosiego-ren “Un segundo bajo la arena” emanaldiko bi funtziotan, Beireko Ezpeleta Jauregian.
“Publiko orotarako jaialdi bat”
Hori guztia kontuan hartuta, lehiaketako zuzendari artistiko Ane Pikaza eta María Goiricelayak, edizio honen balantze “oso positiboa” egin dute, eurak zuzendu duten bigarrena izanik. Bere esanetan, “jaialdiak, beste behin ere, Erriberriko kaleak bete ditu, zeinetan belaunaldi orotako publikoak berriro elkar ikusi, sentitu eta atzeman ahal izan duen. Laburbilduz, publiko orotara eta gure mundua astintzen aritzen diren arazoetara begira dagoen jaialdi bat gozatu dugu. Berdintasuna, adierazpen askea, irisgarritasuna eta inklusioa sustatu dituen edizio parekide eta feminista bikain bat itxi dugu, normaltasunetik diferentearen balio artistikoa aldarrikatuz”.
Kultura Zuzendaritza Nagusia – Vianako Printzea Erakundeak Baluarte Fundazioa lagun antolatuta, Erriberriko Antzerki Jaialdiak uztailaren 21etik abuztuaren 6ra arte bere hogeita laugarren edizioa ospatu du, 22 ikuskizun programatuetatik 39 funtzio barne hartu dituen diziplina anitzeko programa baten eskutik. Horietatik, emakumeek sortu, idatzi eta zuzendu dituzte 13; zortzi konpainia nafarrenak ziren; 2 nazioarteko izaerakoak —Argentina eta Kolonbiakoak— izan dira, biren izaera inklusiboa izan da eta bat euskeraz garatu da. Jaialdiak halaber bi egoitza artistiko barne hartu ditu (bat ibilbide finkatuko konpainietarako, beste bat talentu gaztea bultzatuz suspertzen ari diren konpainietarako), zeinek lau entsegu ireki eta hainbat “Erriberri esperientzia” garatu dituzten.
Hau prestakuntza jardueren eskaintza zabal batekin hornitutako edizio bat izan da: Maria Velascok eta Teatro en Vilo konpainiak tailerrak eman dituzte, eta horietako eserlekuak egun gutxitan agortu ziren; lehenengo aldiz, jaialdiak gazteriarentzako antzerki tailer bat antolatu du Carla Roviraren eskutik, zeinek harrera bikaina jaso duen. Enozentrum barneko patioa bezalako gune pribilegiatu batean eta “Reyno Gourmet” lagun, beste behin ere topaketak ospatu dira publiko interesatuari irekita dauden artista eta kazetariekin; eta horrez gain, eremu berdinean, Jemima Canok arte eszenikoen jasangarritasunari buruz konpainia nafartarrekin eginiko solasaldi berritzaile bat ospatu omen zen.
Erriberriko Antzerki Jaialdia zuzentzen duen taldeak, halaber ospatzen du “lortu izan den oihartzun mediatiko bikaina, tokiko eta eskualdeko prentsaren aldetik nahiz esparru nazional, jeneralista eta espezializatuetako hedabideen aldetik”. Horrela, jaialdiak egunero izan du estaldura, Nafarroako hedabidetan programatutako konpainia ezberdinei elkarrizketak eginez (egunkari hala nola irrati eta telebistetan), eta horrela oihartzuna lortu du esparru nazionaleko hedabidetan. Erriberri presente egon da telebistako programetan esaterako “Culturas 2” (TVE), irratian, esaterako “El Ojo Crítico” edo “La Sala” (RNE), eta “Hoy Empieza Todo” (Radio 3) emanaldiekin; “El Cultural” eta “La Lectura” bezalako kultura osagarriekin; “Artez”, “A Escena” edota “Teatros” bezalako hedabide espezializatuekin; eta “El Mundo” edota “La Vanguardia” bezalako prentsa jeneralistarekin.
Pikazaren eta Goiricelayaren esanetan “jadanik heldu zaigu Kultura Zuzendaritza Nagusia-Vianako Printzea Erakundearekin lan egiteko unea, hurrengo ediziorako, hogeita bosgarrena, horrela Erriberriko Antzerki Jaialdiak beste behin, aniztasuna eta askatasuna, ospakizuna eta topaketa dakartzan etxe bat eskaini dezan”.
