Tokiko Gobernu Batzarrak onartu dituen beste gai batzuk: Andoain kaleko horma, Tomasene ondoko aparkalekua, Substantzia adiktiboak prebenitzeko programa
Eneko Goia alkateak gogorarazi duenez, «garapen honekin, ingurua berroneratzea lortuko dugu industria-erabilerak kenduz, eta hiriari etxebizitza eta ekipamendu berriak emanez».
Añorgako Geltokia azpieremuak 39.183 metro karratuko azalera du, eta Añorga Txiki hirigintza esparruaren barruan dago, bertara sartzeko bidearen eta Euskotrenen trenbidearen artean, ekialdetik muga egiten duena, zati batean trenbidea integratuz.
Dokumentuaren helburu nagusiak honako hauek dira: Añorga Txikiren hiri-nukleoan integratutako bizitegi-garapen berri bat aurreikustea, ekipamendu berriak antolatzen dira, esparruaren zuzkiduraren prestakuntzazko eguneratzearekin, hiri multzorako erlazioko plaza bat antolatuz, Gaur egun lurpetik igarotzen den tartean Añorga erreka kanpora ateratzea eta Añorga Txikin Euskotreneko geralekua hurbildu eta esparruan integratzea.
Andoain kaleko horma
Tokiko Gobernu Batzarrak onartu du Urbycolan SL enpresari esleitzea Andoain kalean ainguratutako horma konpontzeko proiektuaren obra kontratua, 542.008 euroko aurrekontuarekin eta 4 hilabeteko egikaritze epearekin.
Honako hauek dira egin beharreko lanak: argugainera arintzea, hormaren altxaera konpontzea, altxaeraren estaldura, arkugainerako saneamendua, urbanizazioa eta birjartzeak.
Tomasene ondoko aparkalekua
Tokiko Gobernu Batzarrak onartu du Campezo Obras y Servicios, SA-ri Altzako Tomasene eraikinaren ondoan aparkaleku bat urbanizatzeko proiektuari dagozkion obren kontratua esleitzea, 206.808 euroko aurrekontuarekin eta 16 asteko egikaritze epearekin.
Esku hartzean, ibilgailu arinentzako aparkaleku bat egingo da egungo zelaigunearen gainean, ingurumena lehengoratzeko lanetan egindako zigilatzeak aldatu gabe. Espaloiak mantenduko dira mendebaldean, Tomasene eraikinaren ondoan, eta ekialdean, kiroldegiaren ondoan, aparkalekurako eta inguruan dauden oinezkoentzako ibilbideetarako sarbidea errazteko.
Aparkalekuari itxura atseginagoa emateko, zuhaitzak izango dituzten berdeguneak proiektatzen dira, bateriako aparkalekuen lerrokaduren barruan. Zerbitzu sareei dagokienez, drainatze sare berri bat eta argiteria sare publiko bat proiektatzen dira, luminaria berriekin.
Substantzia adiktiboak prebenitzeko programa
Tokiko Gobernu Batzarrak onartu du AGIPADi (Drogen abusuaren ikerketa eta prebentziorako gipuzkoar elkartea) esleitzea adikzio-substantzien kontsumoagatiko edo edukitzeagatiko prebentzio programaren zerbitzuaren kontratua. Urteko aurrekontu zenbatetsia 29.700 eurokoa da, eta egikaritze epea urtebetekoa da, urtebeteko luzapen batekin.
Substantziak kontsumitu edo eduki dituzten pertsona, talde eta familiei laguntzeko eta orientatzeko zerbitzu gisa definitzen da zerbitzu hau.
