Eusko Jaurlaritzako Garraio Sailaren mendeko garraio-operadore Euskotrenek datorren astelehenetik aurrera Durangoko Ezkurdi pilotalekuan ospatuko diren zesta puntako Women Winter Serieen hurrengo edizioa babestuko du.
Javier Seoane Euskotreneko zuzendari nagusiak azpimarratu duenez, enpresa publikoa aspaldidanik ari da lanean emakumezkoen kirola eta taldeko kirolaren balioak babesteko, arrauneko emakumezkoen ligari lagunduz, IDK saskibaloi taldearen laguntzarekin eta, orain, zesta puntako neguko txapelketaren bultzadarekin, Euskotren Women Winter Series izena hartuko duena.
