Eusko Jaurlaritzako Turismo, Merkataritza eta Kontsumo Saileko Merkataritzako zuzendari Izaskun Gómezek AEBRAND III. Sarietan parte hartu zuen atzo, Madrilen. Sailak eta PUNTUEUSek bultzatutako GANDIK proiektuaren brandinga izendatuta zegoen, eta kategoria zilarra saria jaso zuen.
Marka eraikitzeko eta kudeatzeko proiektu onenak aitortzen dituen sari hauetan marka eta agentzia handiak bildu ziren. Testuinguru horretan, GANDIK proiektua identitatea eta posizionamendua sendotzeko bere proposamenaren kalitateagatik eta koherentziagatik saritua izan da.<0}
Sailak merkataritza, digitalizazioa, gazteria eta euskara uztartzen dituzten ekimen berritzaileekin duen konpromisoa azpimarratu zuen Merkataritzako zuzendariak, berezko identitatea duen eraldaketa komertzialean erreferente gisa proiektatzen dutelako Euskadiren irudia, GANDIKen kasuan bezala.
2025-2026an, Portugaletek eta Beasainek GANDIK proiektu pilotua abiaraziko dute tokiko merkataritzaren presentzia digitala hobetzeko, gaur egun % 31koa baino ez baita. Ekimen horretan, DBHko, Batxilergoko eta LHko 100 bat ikaslek webgune errealak diseinatuko dituzte udalerri bakoitzeko 10 saltokirentzat, eta jabeak aholkatuko dituzte haien kudeaketan. PUNTUEUSi esker, establezimendu bakoitzak prestakuntza jasoko du, eta .EUS domeinu bat eta doako alojamendua emango zaizkio lehenengo urtean zehar.
AEBRAND Sarietako izendapenak eta aitorpenak sendotu egiten dute GANDIK, ez bakarrik eraldaketa ekonomiko eta sozialerako proiektu gisa, baizik eta marka helburuz eraikitzeko eredu gisa ere, hurbiltasunaren, komunitatearen, berrikuntzaren eta hizkuntzaren balioekiko konpromisoaren balioekin bat etorrita.
