- Deialdietan 15 kategoria eta 44 eskala sartzen dira, hasierako bolumena 1.739 plaza dira, hauek zabaltzeko aukerarekin, eta 2026ko maiatzaren 4an hasiko dira
- Proba hauek prestatzen laguntzeko, Herri Arduralaritzaren Euskal Erakundearen webgunean eskuragarri daude eskala eta kategoria desberdinei dagozkien gaiak: Gai-zerrendak. EAEko Administrazio Orokorra eta haren erakunde autonomoak – Enplegu publikoa – IVAP
Gobernantza, Administrazio Digital eta Autogobernu Sailak lehen deialdiak jarri ditu abian Enplegu Publikoaren Eskaintzen (EPE) aro berriaren barruan. Eredu berrituak kalitatea, gardentasuna eta profilen egokitzapena indartzen ditu Administrazioaren egungo beharretara.
Lehenengo deialdi hauek 15 lan-kategoria eta funtzionarioen 44 eskala hartuko dituzte, eta hasiera batean 1.739 lanpostu izango dituzte. Laster emango da horien banaketa zehatzaren berri. Hala ere, plazen guztizko kopurua handitu ahal izango da hautaketa-prozesuen garapenean zehar, antolamendu-premien arabera.
EPE hauek EKI Planaren barruan kokatzen dira. Plan honek gaitasunen ebaluazioan oinarritutako ikuspegi berritzaile bat sartzen du, hautaketa, ez bakarrik ezagutzengatik, baita lanpostua betetzeko dituzten gaitasun eta trebetasunengatik ere.
Epai-mahaiak eta gardentasuna
Hautaketa-organoen garrantziaz jabetuta, Sailak epaimahaiei zuzendutako prestakuntza espezifikoak abian jartzea aurreikusi du, prozesu homogeneoagoak, zorrotzagoak eta ebaluazio-irizpide berriekin bateratuagoak bermatzeko.
Era berean, gardentasunarekiko konpromisoa indartzen da, hainbat neurriren bidez:
- Aldez aurretik jakinaraziko dira 2026/2027 deialdien datak, bai eta lehen azterketen aurreikuspenak ere, izangaien plangintza errazteko.
- Probak prestatzen laguntzeko, Herri Arduralaritzaren Euskal Erakundearen webgunean eskuragarri daude eskala eta kategoria desberdinei dagozkien gaiak: Gai-zerrendak. EAEko Administrazio Orokorra eta haren erakunde autonomoak – Enplegu publikoa – IVAP
- Era berean, azterketa-ereduak berritu dira, hemen eskuragarri: Enplegu publikoa: Azterketak eta erantzunak – Empleo público – IVAP
Ebaluatu beharreko konpetentziei buruzko informazioa ahalik eta azkarren argitaratuko da, eta hautagaiek behar den informazio guztia dutela ziurtatuko da.
Ekimen honekin, Gobernantza, Administrazio Digital eta Autogobernu Sailak aurrera egiten du hautaketa-prozesuen modernizazioan, eredu irekiago eta zerbitzu publikoaren bikaintasunera bideratuago baten alde eginez.
