Gaur hasiko dira Erripagañako osasun zentro berria eraikitzeko lanak. Obra 9.068.718,58 euroan esleitu da (BEZa barne), eta gauzatzeko epea 18 hilabetekoa da. Azpiegitura berria Mariezcurrena S.L. eraikuntza-enpresari esleitu zaio, eta Burlatako Erripagaña etorbidea z/g helbidean eraikiko da. Guztira, 3.835 m2-ko azalera eraikia du.
Programa funtzionalean zehaztutakoaren arabera, eraikinak hiru solairu izango ditu eta aprobetxamendu txiki bat estalkian. Beheko solairuan egongo dira harrera, Lehen Arretako eremuaren zati bat, langileen eremua, zerbitzuen lokalak eta erabilera anitzeko lokalak; lehen solairuan, berriz, Lehen Arretako programaren gainerakoa eta sexu- eta ugalketa-osasunerako zentroa (CASSYR); eta sotoan eta estalkian, instalazioetarako lokal ezberdinak.
Lehen mailako arretarako eta sexu- eta ugalketa-osasunerako zuzkidurak
Erripagañako Lehen Mailako Arretako asistentzia-arloak helduen medikuntzako bederatzi kontsulta, helduen erizaintzako zortzi kontsulta, pediatriako lau kontsulta, pediatriako erizaintzako lau kontsulta, hiru kontsulta berezi (larrialdiak, prozedurak eta erauzketak), fisioterapiako kontsulta bat eta hiru BAME kontsulta eta BAEE izango ditu; era berean, arnas aparatuko pazienteentzako zirkuitu independentea (bi kontsulta, itxarongela, komunak eta biltegia), gizarte-lanerako bulegoa eta psikologiarako bulegoa izango ditu, laguntza-eremuez gain (komunak, itxarongelak, ofizioa).
Sexu eta Ugalketa Osasunaren Arretarako Zentroko asistentzia-eremua, emaginaren lau kontsulta, erizaintzako kontsulta bat, ginekologiako lau kontsulta eta gizarte-hezitzaileentzako bi kontsulta eraikiko dira, laguntza-eremuez gain (komunak, itxarongelak, ofizioa, biltegia).
Dagokion proiektua idazteko, arkitektura-, ingeniaritza- eta plangintza-zerbitzuen lizitazio publikoa deitu zen, eta Andres Martinez Tejada eta Javier Andres Larraz Andia arkitektoek osatutako taldeari esleitu zitzaion, Jimena Lopez Martinez, Maria Aznarez Alvarez eta NAVEN INGENIEROS, SL Ingeniaritzarekin lankidetzan.
