- Itziar-Debako Udal zaharra berreskuratzeko proiektuak, #EuropaSeSienteCERCA kategorian erdifinalista gisa hautatuak, herritarren babesa bilatzen du finalera sartzeko
Eusko Jaurlaritzak dei egin die herritarrei #EuropaSeSiente 2026 sarien herri-bozketan parte hartzeko eta #EuropaSeSienteCERCA kategorian aurkeztutako bideoa babesteko.
Hautagaitzak balioa ematen dio Itziar-Debako Udaletxe zaharra hartzen zuen eraikinaren eraldaketari. Higiezin historiko hori, urteetan hondatu eta abandonatu ondoren, birgaitu egin da Eusko Jaurlaritzak bultzatutako eta Eskualde Garapeneko Europako Funtsak (EGEF) batera finantzatutako jarduera bati esker.
Gaur egun, espazio horretan Itziarko Herri Eskola dago, lehen Luzaro Haur Hezkuntzako Ikastetxea zena, eta Europako inbertsioak zerbitzu publikoak hobetzen, ondarea berreskuratzen eta Euskadiko gizarte-kohesioa indartzen nola laguntzen duen erakusten duen adibide nabarmena da.
Proiektua erdi-finalista gisa hautatzeak Europako funtsekin finantzatutako ekimenen balioa aintzatestea dakar, pertsonen bizitzan eta udalerrien garapenean eragin zuzena baitute.
Herri-bozketa irailaren 27ra arte egongo da zabalik, egun hori barne. Interesa dutenek lehiaketaren orri ofizialean sartu, #EuropaSeSiente CERCA kategoria hautatu eta botoa baieztatzeko posta elektroniko baten bidez balidatu ahal izango dute.
Eusko Jaurlaritzak ekimen honetan parte hartzera eta hedatzera animatu ditu herritarrak, proiektua finalera irits dadin eta Europako funtsek Euskadiko errealitatea eraldatzen eta hobetzen nola laguntzen duten erakusten jarrai dezan.
