Ikertutako egitateak irailaren 1ean gertatu ziren, nahiz eta Ertzaintzak handik egun batzuetara izan zuen gertatutakoaren berri, Gurutze Gorriko Biktimei Arreta Emateko Zerbitzutik jasotako abisu baten bidez.
Antza denez, irailaren 1ean, espainiar nazionalitateko 44 eta 31 urteko bi emakume Gasteizko erdialdeko kale batean zeuden eta lo egiteko leku baten bila ari ziren. Hartan ari zirela, bi gaztek euren etxe partikularrera joateko aukera eskaini zieten.
Salatutako egitateen arabera, emakumeek bi gizonen gonbidapena onartu zuten eta, etxe barruan zeudenean, haien baimenik gabe, sexu-erasoak jasan zituzten.
Ertzaintzak gertatutakoa ikertu du eta, emakumeen aurkako ustezko erasoak egin zituzten bi gizonen identitatea jakin ondoren, agenteek atzo, astelehena, biak atxilotu zituzten ertzain-etxean, ustezko sexu-erasoaren delitu bana egotzita.
Bi atxilotuak magrebtar jatorriko 21 eta 20 urteko bi gazte dira, eta Ertzaintzak aurretik hiru aldiz atxilotu edo ikertu ditu. Biak gaur, asteartea, jarri dituzte Gasteizko Guardiako Epaitegiaren eskuetan.
