- Malandain Ballet Biarritz lehen aldiz iritsiko da konpainia osoarekin Théâtre des Champs-Élysées antzokira Thierry Malandainen hiru koreografiarekin, horien artean Maurice Ravelen Bolero ospetsuaren bertsioa
- Bengoetxea lehendakariordea konpainiarekin batera doa, Frantziako Kultura Ministerioko eta Biarritzeko Udaleko ordezkariekin batera, Ça colle au basque 2026ko programaren barruan
Ibone Bengoetxea Lehen lehendakariordea eta Kultura eta Hizkuntza Politikako sailburua Malandain Ballet Biarritzekin batera iritsiko da gaur arratsaldean Théâtre des Champs-Élysées antzokira, Parisko kultura-bizitzaren erreferentziazko agertokietako batera. Eusko Jaurlaritza Parisera irailaren 23an eta 24an egiten ari den bidaia instituzionalaren lehen geltokia da. Bidaia Euskadi Globala estrategiaren barruan sartzen da, kultura Euskadiren nazioarteko proiekziorako tresna gisa hartuta.
Teatro des Champs-Élysées antzokiaren aurrean, Ibone Bengoetxea lehendakariordeak aditzera eman duenez, “Malandain Ballet Biarritz Pariseko agertoki honetara iristea aukera bat da «Euskadi Global mundura zabaltzen jarraitzeko».
Malandain Biarritz Balletak agertoki honetan errepresentazioak egitea da Etxepare Euskal Institutuak espazio frankofonoan euskal kulturaren eta euskararen presentzia, ezagutza eta eragina indartzeko antolatu duen Ça colle au basque ekimenaren mugarrietako bat.
Konpainiak Théâtre des Champs-Élysées antzokian aurkeztuko du lehen aldiz bere lana, Thierry Malandainen hiru koreografiarekin: L’Oiseau de feu, Igor Stravinskyren musikarekin; Bolero, Maurice Ravelen konposizio ospetsuan oinarrituta; eta Minuit et demi, ou le Coeur mystérieux, Camille Saint-Saëns-en musikarekin. Programak elkarrizketan jartzen ditu Malandainen lengoaia koreografikoa eta Frantziako eta Europako musika-konposizio handienetako batzuk.
Konpainia Parisera iristea aukera paregabea da euskal sorkuntza garaikidea ikusarazteko eta Euskadiren talentua eta kultura nazioartean proiektatzeko. Lehendakariordearen presentzia instituzionalak kultura-mugarri hori indartuko du, eta bihar Eusko Jaurlaritzaren eta Ballet Biarritz Zentro Koreografiko Nazionalaren arteko aliantza berriaren aurkezpenarekin eta topaketa instituzional eta kulturalen agendarekin jarraituko duen bidaiari emango dio hasiera.
