Atzo, osteguna, Justizia Auzitegi nagusietako berdintasun-ordezkarien protokoloa onartu zen. Protokoloak ordezkarien izendapena, eginkizunak eta eskumenak ezartzen ditu, eta epaileen gobernu-organoak duela urtebete onartutako Karrera Judizialeko II. Berdintasun Planean jasotako neurriak garatzea du helburu.
Ildo horretan, ordezkariak lankidetzan arituko dira berdintasunaren eta genero-ikuspegiaren arloan epaileak prestatzen, eta epailetzaren barruan familia bateragarritasunerako eta erantzunkidetasunerako neurriak abian jartzea sustatuko dute.
Berdintasun-ordezkarien agintaldia bost urtekoa izango da -epea luzatzeko aukera aurreikusita dago-, eta Justizia Auzitegi Nagusietako gobernu-salek izendatuko dituzte. Kargua eska dezakete jarduneko epaileek eta hiru urtetik beherako seme-alabak edo mendeko senideak zaintzeko eszedentzian dauden karrerako kideek.
- Informazio gehiago nahi izanez gero, Botere Judizialaren Kontseilu Nagusiaren prentsa-ohar osoa irakur dezakezu.
