Eusko Jaurlaritzako Lan eta Enplegu Sailak gaur jakinarazi dio Tubacexeko zuzendaritzari eta enpresa batzordeari bi aldeek baloratzeko konpromisoa hartu duten laburpen proposamena.
Elena Perez Barredo Lan sailburuordeak, Angel Lapuente Lan zuzendariak eta Marivi Portugal Arabako Lan ordezkariak hirugarren bileran parte hartu dute astebetean, zuzendaritzarekin eta langileen ordezkariekin batera.
Gaurko bileraren ostean, eta iritziak eta proposamenak trukatu ondoren, Lan Sailak laburpen-proposamen bat helarazi du, aldeek baloratuko dutena, eta aste honetan egingo den beste bilera baterako deia egin dute.
