Enplegua finkatzeko prozesu berezien oinarri orokorrek ezartzen badute ere oposizio-faseko proba egiteko deialdia onartutakoen eta baztertutakoen behin betiko zerrendak onartzen dituen IVAPeko zuzendariaren ebazpenean egingo dela, izangaiek beren joan-etorriak planifikatu ahal izateko nahikoa denbora izan dezaten, honako hau jakinarazten da:
Euskal Autonomia Erkidegoko Administrazio Orokorreko eta haren erakunde autonomoetako kidego eta eskaletan enplegua finkatzeko prozesu berezietako oposizio-faseko probak 2022ko irailaren 17an eta 18an egingo dira, Barakaldoko BECen, eta honela banatuko dira:
Eskala | Eguna | Txanda |
Laguntzako langileen talde profesionala | 2022-09-17 | 10:00 |
Erizaintza | 2022-09-17 | 16:00 |
Administrari laguntzailea | 2022-09-18 | 10:00 |
Administraria | 2022-09-18 | 16:00 |
Proba egiteko deialdi ofiziala goian aipatutako IVAPeko zuzendariaren ebazpenaren bidez egingo da.