Beatriz Artolazabal, Eusko Jaurlaritzako Berdintasun, Justizia eta Gizarte Politiketako Sailburuak, Arabako Minbiziaren Aurka Elkartea antolatutako ongintzazko gizarte-topaketan parte hartu du bart, Gasteizko Ciudad de Vitoria hotelean.
Miren Bilbao buru duen elkarteak proposatu du, herritarren ekarpenei esker, minbiziaren aurkako ikerketa bultzatzea, pazienteei eta senideei laguntza ematea eta prebentzioa areagotzea. Sailburuarekin batera, José Luis Quintas Osasun Sailburuordea, eta Marian Olabarrieta, Eusko Jaurlaritzako Gizarte Zerbitzuetako zuzendaria, izan dira bileran.
