Gobernu Kontseiluak 150.000 euroko dirulaguntza onartu du gaur Txirrindularitzako Euskadi Fundazioarentzat, 2024an goi mailako euskal txirrindularitza sustatzeko, estatuan zein nazioartean.
Txirrindularitzako Euskadi Fundazioak euskal txirrindularitza sustatu, zabaldu eta garatzen du Union Cycliste Internationaleko (UCI) lehiaketetan parte hartzen duten kirolariak biltzen dituzten bi talde profesionalekin: Euskaltel-Euskadi, gizonezkoen taldea; eta Laboral-Kutxa, emakumezkoena.
Gaur onartutako dirulaguntza 2024an estatuko zein nazioarteko goi-mailako lehiaketetan, horietako batzuk UCIren egutegian sartutakoak, parte hartzea finantzatzera eta goi-mailako euskal txirrindularitza sustatzera bideratuko da.
